jab ilm ho tumhe bhi dard ka dikhe har taraf tumhe gard
jab ilm ho tumhe bhi dard ka
dikhe har taraf tumhe gard sa
mile na koi humdard sa…..
gar tanhaayi me jeena mushkil lage
har taraf khali khali dil lage
aakhon ka kajal kuchh kahne lage
tumhe humse milne ka dil karne lage
tum thoda tanhaayi ko bulana………use yaad meri dilana
use naam mera batana…………main chala aaunga……..
main chala aaunga………… main chala aaunga………….
main chala aaunga……………..
bhool kar hume shayad khush ho rahoge
itna bata do kya khushi se bhool sakoge
jaante hain likhe ko tum bhi na badal paaoge
vaqt ki lahron me tum bhi bahte jaaaoge
door bahut door ho jaaoge……..
apni raahon pe chalte chale jaaoge………….
gar tumhe bhi kisi se pyaar ho jaye
vo tumhari ek kamzori sa ho jaaye
tumhe uski sirf uski hi aarzoo ho jaaye
tumhaari nas nas me vo hi bhar jaaye
dil usi se dhadke usi me kho jaaye
phir achanak vo tumse door ho jaaye
apni majbooruyaan ginayen aur chala jaaye
aur tab haaal tumhara behaal ho jaaye
betahasha beqaraari badhti jaye……………
tum na samajh paao jana kahan hai
har raasta tumhe lage band sa hai
lage zindagi ka diya bujha bujha sa hai
tumhaari minatton ka us shakhs pe asar nahi sa hai
tumhe zindagi ka zarra zarra kaatne lage
tumhare dil me bechainyaan ghar karne lage
tum zara bhi na ghabraana………uski ruswaaiyun ko chhupana
bechainiyun ko mera naam batana………main chala aaunga
main chala aaunga…………….
kabhi jab tum mere yaadon ke shahar aao
ghoomte tahalte phir mere ghar bhi aao
use bahut veeraan aur ujda sa paao
khidkiyun ko toota dar‘o‘deewar ko soona paao
har taraf ek sannaata bikhri udaasi paao
shayad us din tum laut jaao………
ya shayad thodi der aur ruk jao……
us puraane palang ke neeche pade kuchh panne uthhaao
phir kuchh soch me gum ho jaao….hamari soch me kho jao
tum khali panno se na ghabrana
hum to vahin rahenge hume kahan hai jana
tum dheeme se bus ek awaaz laga dena
soyi deewaron me hume jaga dena………..
tum paas se guzarti us hawa ko pakadna……
use mera naam batana………….main chala aaunga
main chala aaunga…………..
tumhari zindagi me khuda kare sirf khushiyaan rahe
tumhe ghamo ki koi paarwaah na kabhi rahe
har vaqt tumhaari har muraad poori hoti rahe
khushiyaan tumhari sirf tumhari hi banke rahe
jab tum umr ke aakhiri daur me pahunch jaao
khud ko khush aur apno ko bhi khushhaal paao
par kabhi kabhi dil me uthhti ek tees paao
tum use chaah kar bhi unsuna na kar paao
phir jab khud ko qaza ke darwaaze ke qareeb paao
apne khuda se thheek se nazaren na mila paao
khuda ke sawaalon se khud ko aahat paao
khud ko chhui unchhui tohmaton me paao
tab tum hume apne qareeb kuchh der bulana chaaho
kuch shikwe humse kuch apne batana chaho
tum ghar ke ek bachhe ko bula lena
uski aakhon me dekhke haathon ko choom lena
thodi der ke lie khamosh ho lena
phir khamoshi se mera naam lena……..main chala aaunga.
MERI JAAAN MAIN ZAROOR AAUNGA..
Posted under